ANG MAPAPALA SA LIBRENG PANGARAP
By Arlan Laroya
Minsan ay may nakausap akong isang kaibigan na nagsabi sa akin na ‘pag yumaman daw s’ya magpapatayo siya ng malaking bahay, bibili din daw s’ya ng mga mamahaling sasakyan, mga bago at magagandang damit, sapatos, accessories at electronic gadgets. Lilibutin ang buong mundo, titikman ang lahat ng pagkaing hindi niya natikman noong walang-wala pa s’ya. Siempre hindi mawawala sa kanya ang pagiging mabuting pagkatao, dahil kasama sa kanyang mga pangarap ay ang tumulong sa mga taong naghihirap kahit hindi niya mga dating kakilala. Marami pa siyang sinabing detalye na habang pinapakinggan ko ay parang napunta ako sa isang malaparaisong kalagayan. Masasabi ko, “Ang ganda nang pangarap ng aking kaibigan!” Na kung mangyayari lang sana ay talaga namang napakaganda. pagkatapos niyang magsabi ng kanyang mga pangarap ay tinanong ko s’ya, “Paano mo ‘yan nakikitang mangyayari?” Sinagot n’ya lang ako nang, “Bahala na basta ang alam ko lang LIBRE NAMAN ANG MANGARAP” sabay tawa!
Parang hindi ito iba sa marami sa atin. Marami-rami na rin akong nakausap na mahirap pero halos ganito kalalaki ang kanilang mga pangarap, pero mahirap pa rin sila at parang wala ng pagkakataon para maisakatuparan ang kanilang mga magagandang pangarap. Sa bandang huli ang sasabihin na lang nila, “LIBRE NAMAN ANG MANGARAP”.
May napansin akong isang pagkakaiba sa YUMAMAN MATAPOS MANGARAP at NANGARAP PERO NANATILI PA RING MAHIRAP. Ito ay ang “AKSYON”! Alam n’yo rin siguro ito, na bagaman ang mangarap ay libre, ngunit ang maging katuparan ito ay hindi na libre. Halimbawa na lang, kung pangarap mong maging isang magaling na doctor, kailangan mong mag-aral mula prep, elementarya, high school, college at ang pagiging doctor. Hindi ka magiging doktor nang hindi ‘yan gagastusan. Kahit may nanglibre pa sa iyo ganon pa rin ang ibig sabihin n’yon–may gumastos. At kahit nga nilibre ka pa, kailangan mo pa ring gumising araw-araw at pumunta sa paaralan, gawin lahat ng kailangang gawin para makapasa hanggang maging isang ganap na doctor. Maraming dapat gawin kailangang maghirap at gumastos muna para lamang maging isang doctor.
Kung totoo man ang libreng mangarap, libre ito kasi wala itong kabuluhan. Anumang pangarap na hindi pinaghirapan at pinagkagastusan ay nawawalan ng kabuluhan gaano man ito kaganda. Dahil ang pangarap ay nagkakaroon lamang ng halaga kapag nilagyan ng tamang, “AKSYON!” Tama na muna ang mangarap, baka kailangan na nating umaksyon ngayon, para maging reyalidad ang anumang pangarap na meron kayo.
Maaari mong tingnan ang buhay at pangarap mo sa ganitong pananaw. Halimbawa, pangarap mong magkaroon ng isang bahay at lupa na nagkakahalaga ng P1.8M. Ano ang ginagawa mo sa ngayon para maabot mo ang pangarap mong ‘yan? Kung ipagpapatuloy mo ba ‘yang ginagawa mong ‘yan sa loob ng lima pang taon sa tingin mo ba maaabot mo na ang mga pangarap mo (ibig bang sabihin may bahay ka na, na nagkakahalaga ng P1.8M ‘pag lipas nang limang taon)? Kung ang sagot mo ay, “Oo” sige ituloy mo lang at ‘wag kang bibitiw! Pero kung ang sagot mo ay, “Hindi!” ‘Wag ka nang maghintay ng bukas tigilan mo na ‘yan kasi sayang lang ang efforts mo.
Subukan mo ang programa ng "Shema Foundation", baka dito matupad mo na ang pinangarap mo…
